ආරංචි මාර්ග වලට අනුව, හිටපු ජනාධිපතිවරුන් සහ දේශපාලන මැති ඇමතිවරුන් කිහිප දෙනෙක් මෙවර මහ මැතිවරණයට තරග නොකිරීමට තීරණය කර තිබේ.
මෙය, දිගු කාලයක් පාර්ලිමේන්තුව නියෝජනය කළ හිටපු ජනාධිපතිවරුන් වන මහින්ද රාජපක්ෂ, මෛත්‍රීපාල සිරිසේන සහ රනිල් වික්‍රමසිංහගේ තීරණය පිළිබඳ වාර්තා වේ.
එමෙන්ම, දේශපාලනඥයින් වන ශෙහාන් සේමසිංහ, බන්දුල ගුණවර්ධන, විමල් වීරවංශ, පාඨලී චම්පික රණවක ඇතුළු පිරිසද මෙවර තරග නොකිරීමට තීරණය කර ඇත.
එස්.බී. දිසානායක, විමලවීර දිසානායක, ශාන් විජයලාල් ද සිල්වා, සහන් ප්‍රදීප්, ඩබ්ලිව්.ඩී.ජේ. සෙනෙවිරත්න, සී.වී. විග්නේෂ්වරන්, වාසුදේව නානායක්කාර, ජනක බණ්ඩාර තෙන්නකෝන්, මේජර් ප්‍රදීප් උඳුගොඩ, ප්‍රියකංර ජයරත්න, නෂීර් අහමඩ්, සම්පත් අතුකෝරළ, ගෙවිඳු කුමාරතුංග සහ සුදත් මංජුල ඇතුළු මැති ඇමතිවරුන් ද මේ වසරේ මහ මැතිවරණයට තරග නොකිරීමට තීරණය කර ඇත.
