පවතින රියදුරු බලපත්රය වෙනුවට නව ඩිජිටල් රියදුරු බලපත්රයක් කඩිනමින් හඳුන්වා දීම සඳහා අමාත්ය මණ්ඩල අනුමැතිය හිමිව තිබේ.
මේ වන විට සුහුරු කාඩ්පතක් ලෙස රියදුරු බලපත්රයක් නිකුත් කිරීම ආරම්භ කර වසර 15කට ආසන්න කාලයක් ගත වී ඇති අතර අදාළ ආයතන අතර දත්ත හුවමාරුවකට පහසුකම් සලසමින් නව තාක්ෂණය අනුව ලෝකයේ රටවල් ගණනාවක දැන් ඩිජිටල් රියදුරු බලපත්රයක් නිකුත් කර තිබේ.
ඒ අනුව ප්රවාහන, මහාමාර්ග, වරාය සහ සිවිල් ගුවන් සේවා අමාත්යතුමා ඉදිරිපත් කරන ලද යෝජනා සැලකිල්ලට ගෙන මෙම ඩිජිටල් රියදුරු බලපත්රය ඉක්මනින් හඳුන්වා දීමට නියමිතය.නව ඩිජිටල් බලපත්රය නිකුත් කරන තෙක් දැනට අනුගමනය කරනු ලබන ක්රමවේදය තවදුරටත් ක්රියාත්මක වන බවද මෙහිදී සඳහන් වේ.
